உன் பிறந்தநாள் பரிசை நீ பிறந்த சரியான நேரத்தில் தான் தருவேன் என்றதும்

அந்த நேரம் இது தான் என்று பிடுங்கியபடி நீ முறைத்தாய்.

அப்போது தான் உணர்ந்தேன் நெஞ்சுக்குள் மாமழையை !

சில நேரம் உன் சினுங்கள்களை ரசித்தபடி நிற்பதற்கு கடிந்து கொள்வாய்

நீ கடிந்து கொள்வதை ரசிக்கவே நான் உன் சினுங்கள்களை ருசிக்கிறேன் என்பதையறியாமல்

உன் மீது கொண்ட அன்பை அளவிட சொன்னபோது சிரித்தாய்

நான் புரியாமல் விழித்தேன்

இப்போது புரிகிறது, அத்தனையும் மொத்தமாய் காட்டினால்

நான் மூச்சிறைத்து விடுவேன் என்றே சிரிப்பைக் காட்டி சமாளித்திருக்கிறாய்