வலிகள்

:: நாள் : 26-02-2010 :: நேரம் : இரவு 7 மணி 40 நிமிடங்கள் ::

இதயத்தின் துடிப்புகள் துன்பத்தை

அடித்து உதைக்கும் சத்தம் தான் “லப் டப்”…

இதயத்தின் துடிப்புகள் இன்பத்தை

கொஞ்சி குலாவிடும் சத்தம் தான் “லப் டப்”…

எரித்து விடு

உன் துன்பத்தை !

அழைத்து வா

உன் இன்பத்தை !

கடிந்து விடு

உன் கஷ்டகாலத்தை !

விடிந்து விடும்

உன் இஷ்டநேரம் !

சிநேகிதியே ,

உன் கண்ணீருக்கு

சலங்கையிடு

அதன் சப்தங்களில்

உன் நடனம் அரங்கேறட்டும்.

விடியல்

உன் வாசலைத் தேடுகிறது

நீ ஏன் உறக்கம்

கலைக்க மறுக்கிறாய்.

நீ உறக்கம் கொள்ளும் போது

என் கருவிழிகள் உனக்காக !

நீ துன்பம் தொலைத்தபோது தான்

நான் இன்பம் கொண்டேன் !

உன்னால் தொலைக்கப்பட்ட உன் துன்பங்கள்

இனி உனக்கு உலகுக்கும் கிடைக்காமல் போக கடவது…