12”ம் வகுப்பு படிக்கும்போது பள்ளி குறிப்பேட்டில் கடைசி பக்கங்களில் எழுதிய சில பதிவுகளை இங்கே பதிப்பதில் மகிழ்கிறேன்.

$$$—–****——————————(((((__________^^**^^__________)))))——————————****—–$$$

படிப்பு

ஒவ்வொருவரின் வாழ்விலும்

முதல் படி !

புத்தகத்தின்

எதிர்முனையில் “படி”யெனில்

பாழாய் போகும் “படி”ப்பு !

*** அட, அட, அட, தத்துவத்த பிழியுறான்யா ***

$$$—–****——————————(((((__________^^**^^__________)))))——————————****—–$$$

விளையாட்டாய்

பொழுதை கழிக்க விரும்பாத

விமர்சகர்களுக்கும் ;

படிக்க முடித்தும்

படிக்காதவர்களுக்கும் ;

சப்தமில்லாமல்

சலனமில்லாமல்

புத்தகத்தை திருப்பி

மூளையை வளர்க்க

ஆயிரமாயிரம் நூல்களை

அடுக்கி வைத்துள்ளது

நூலகம் !

ஒருமுறை வாயேன் என் வருங்காலமே !

$$$—–****——————————(((((__________^^**^^__________)))))——————————****—–$$$

காணும் உலகம் உன் கண்முன்

பிறகேன்

வாழ நடுக்கம் !!

வாழ்க்கை யாருக்கும்

வாழ தடை சொல்வதில்லை !!

ரகசியங்கள் பாதுகாக்கப்படலாம்

லட்சியங்கள் ???

$$$—–****——————————(((((__________^^**^^__________)))))——————————****—–$$$

படைத்த வன்சில குறிப்பு

வடித்தி ருக்கஅ தன்படி

கிடைத்த வன்பல அனுபவிக்

கிறானெ னவே நான்கூற

தடையில் லாவுலகை யுருவாக்

குவமே யென்று ஒன்றுசேர

எடைமிகு வீரமாய் இளைஞர்

பலர் வரவே வெற்றி !!!

*** இரண்டாம் எழுத்து ஒன்றாய் அமைந்த மரபுக்கவி எழுத சிறுமுயற்சி ***

$$$—–****——————————(((((__________^^**^^__________)))))——————————****—–$$$

* இளைஞனின் ஏக்கம் *

உண்மை கூறதயக்க மில்லை

     எந்த பிறவியிலும் தான்;

கண்முன் நடக்கும் அநீதிக்கு

     தீர்வு கேட்டுநா நலைந்தேன்;

யாரையென் றுகேட்டீரோ அவரே

     இவ்வூர் மேன் மக்கள்;

தேரையே தந்தான் பாரி,

     தீர்ப்பு இல்லை இவ்வூரில்.

ஊரை விட்டு ஓடலாம்

     உண்மை வாழ்வு வாழவே;

தாரைத் தாரையாய் கண்ணீரே

     ஊரை விடும் ஏக்கமோ?

இனிதான் உலகை உருவாக்க

     முனைந்து நின்று படவேண்டும்;

இனிமை கிடைக்கும் அதன்பின்னே

     துன்பம் போக்கி சிரிப்போம் !!!

*** இரண்டாம் எழுத்து ஒன்றாய் அமைந்த மரபுக்கவி எழுத அடுத்த முயற்சி ***

$$$—–****——————————(((((__________^^**^^__________)))))——————————****—–$$$

இறப்பு மனிதனின் பிறப்புரிமை, எய்ட்ஸ் ???

$$$—–****——————————(((((__________^^**^^__________)))))——————————****—–$$$

வாழ்வை முடிக்க

மனமின்றி

நாளை முடிக்கும்

மனிதரிடை

வாழும் மனிதனாய்

நானிருக்க விரும்பவில்லை !!!

தீராத நட்புடன்

பூபால அருண் குமரன்.ரா

ஓவியம் தீட்டிய

தூரிகை

அவள் புன்னகை !

காவியம் கூறும்

கவிதை

அவள் பார்வை !

அவள் சுவடுகள் பதித்து சென்றது

பாதையில் இல்லை

என் மனதில் !

ஒரே ஒரு பார்வை

எனக்குள் ஏதோ ஒரு மாற்றம் !

வெறும் கண்ணசைவுக்கு

கலவரப்படுத்தும் சக்தி !

இத்தனை நடந்தும்

பார்வைக்காக

பாதம் தொடரும் நான்…

தீராத நட்புடன்

பூபால அருண் குமரன்.ரா

கவலைகளின் கவன்கண்டு
கண்ணீரை பெற்றவனே ,

கண்ணீரின் சுவைகண்டு
கடலிலே கலந்தவனே ,

உதயம் பூக்கும்போது
உறக்கம் கொண்டவனே ,

பிறப்பின் போதே அழுதுவிட்டாயே , இன்னும் ஏன் ?
போதும்…  அலுத்துவிட்டது…

உறங்காத உன் கனவுகளுக்கு
உருவம் கொடு…

வெறும் கனவுகளை
வெற்றி படிகளாய் மாற்று…

விழியோடு காத்திருப்பு…
வழிதோறும் வெற்றி…

உன்னை வெல்ல உலகம் காத்திருக்கிறது; கவலை படாதே ,
நீ வெல்ல உலகமே இருக்கிறது…

பூமாலை கூட
மாலை வருமுன் வாடிவிடும் ;
இச்சை மறந்து
உண்மை லட்சியம் கொண்ட நெஞ்சம்,
வாடுவதும் இல்லை !!
உதிர்வதும் இல்லை !!

வாழ்க்கை
வாழ்ந்து பார்க்கவே !
வீழ்ந்து
வானத்திலிருந்து பார்க்கவா ?

இல்லவே இல்லை…

விடியல் உனக்காக … சூரியனே எழுந்து வா…